وفاقی محتسب برائے انسدادِ ہراسیت کا بڑا فیصلہ سامنے آیا۔ خاتون پروفیسر کو ہراساں کرنے پر وفاقی اردو یونیورسٹی برائے سائنس اینڈ ٹیکنالوجی کے پروفیسر ڈاکٹر حافظ اسحاق کو نوکری سے برخاست کردیا گیا۔
وفاقی محتسب برائے انسدادِ ہراسیت میں پروفیسر پر 10 لاکھ روپے جرمانہ بھی عائد کر دیا۔ لیکچرر عروج ملک کی شکایت پر فیصلہ سنایا گیا۔
ترجمان نے بتایا کہ لیکچرر عروج ملک نے پروفیسر حافظ اسحاق کے خلاف شکایت درج کروائی تھی۔ فوسپا نے یونیورسٹی سے تعلیمی پانچ دسمبر تک رپورٹ بھی طلب کر لی۔
وفاقی محتسب برائے انسدادِ حراسیت فوزیہ وقار نے جرمانے کی رقم میں سے آٹھ لاکھ روپے عروج ملک کو ادا کرنے کا حکم دیتے ہوئے ہدایت کی کہ جرمانے کی رقم میں سے دو لاکھ روپے قومی خزانے میں جمع کرایا جائے۔
