پاکستان ٹی امپورٹرز ایسوسی ایشن کے ترجمان کا کہنا ہے کہ ماہ ستمبر کے دوران ایک کروڑ کلوگرام سے زائد جبکہ ماہ اکتوبر کے دوران ایک کروڑ 10 لاکھ کلوگرام سے زائد چائے درآمد کی گئی تھی۔
لیکن رواں ماہ نومبر میں اب تک ایک کروڑ 20 لاکھ کلوگرام چائے درآمد کی جا چکی ہے۔
انہوں نے کہا کہ درآمد شدہ 32 لاکھ ڈالر کی چائے میں ایک کروڑ 14 لاکھ کلوگرام کالی اور 7 لاکھ کلوگرام سبز چائے شامل ہے۔
ترجمان کا یہ بھی کہنا ہے کہ پاکستان میں 40 سے 50 فیصد تک کالی چائے کی پتی مختلف ذرائع سے سمگل ہو کر بھی آرہی ہے۔
چائے کی درآمد سے متعلق ممالک کے نام بتاتے ہوئے انہوں نے کہا کہ جن ممالک سے پاکستان چائے درآمد کر رہا ہے ان میں کینیا،بنگلہ دیش،چین، ویتنام سمیت 13 ممالک شامل ہیں۔ ترجمان نے مزید کہا کہ افغانستان سے چائے کی پتی کی سمگلنگ سے قومی خزانے کو مالی نقصان پہنچتا ہے۔
